Ken Zazpiren hurrengo saioetarako sarrerarik ez

MUSIKA. Ken Zazpik emango dituen hurrengo bi emanaldietarako sarrerak amaitu dira. Abenduaren 30ean Zallan joko dute, eta urtarrilaren 8an Donostiako Kursaalean. Gauza bera gertatu zen Ortzemugak begietan diskoa aurkezteko biraren lehen bi kontzertuetan, Durangon eta Bilbon. Gernikako taldearen hurrengo saioak urtarrilaren 14an Mungian, otsailaren 5ean Gernikan eta otsailaren 11n Andoainen izango dira. Laster jarriko dituzte sarrerak salgai.