Kreolizazioaren pentsalaria

Politikaren eta poetikaren artean ibili da beti Edouard Glissant idazlea. Martinikan jaio zen, eta bizitza osoa pasa zuen Karibeko kulturaren alde lanean. 60ko hamarkadan frantziar kolonialismoaren aurka aritzeagatik jazarri zioten. Hamaika literatur lan argitaratu zituen, eta kreolizazioaren kontzeptua izan da haren ekarpen nagusia; Aime Cesaire idazlearen negritude-aren ideiatik abiatuz eta hari erantzunez. 2007an izan zen azkenekoz Euskal Herrian. 82 urterekin hil zen atzo, Parisen.•