Lagunak Egillorri buruz aritu dira erakusketako katalogoan

Erakusketako katalogo berezia argitaratu dute antolatzaileek. Horretan, egilearen zenbait irudi biltzearekin batera, Egillorren senide eta lagunak haren inguruan aritu dira hainbat testuren bidez. Bernardo Atxaga eta Seve Calleja idazleek, Borja Kobeaga zinemagile eta Egillorren ilobak, Jaime Armiñan zinemagileak, Luis Gasca editoreak, Carmen Egillor egilearen arrebak, Amaia Uranga abeslariak eta Lolo Rico zinemagile eta kazetariak idatzi dituzte, besteak beste, katalogoko testuak. Irakurleak artistaren erretratu zabala eraiki dezake, lagunek azaldutakopasadizoak eta oroitzapenak irakurriz. Pertsona umila, trankila, umore onekoa, sormen handikoa, optimista, alaia, eskuzabala eta adimentsua agertzen dute haien berbek.