Tomas Transtromer poetari (Suedia, 1931) emango diote aurtengo Literaturako Nobel saria, Suediako Zientzien Errege Akademiak gaur 13:00etan esan duenez. "Bere irudi trinko eta zeharrargiekin errealitatera sarbide freskoa eman digu".
Haren liburuak 50 hizkuntzetara itzuli izan dituzte.
Iaz Literaturako Nobel saria Mario Vargas Llosari eman zioten.
2011ko Nobel saridunak (orain arte jakinarazitakoak)
- Medikuntza. Jules Hoffmann, Bruce Beutler eta Ralph Steinman-i, immunitate sistemaren ikerketagatik.
- Fisika. Saul Perlmutter, Brian P. Schmidt eta Adam G. Riess-i, unibertsoaren hedapen azkarrari buruz egindako lanengatik.
- Kimika. Daniel Shechtmani, kuasikristalen aurkikuntzagatik.
- Literatura. Tomas Transtromerri.
Bihar Bakeko Nobel saria jakinaraziko dute, astelehenean Ekonomiakoa.
Stockholmen izango da sari banaketa ekitaldia, Bakearen Nobel sariarena izan zen —hori Oslon izan ohi da—. Biak ere, abenduaren 10ean.
