Malangatana pintore mozambiketarra zendu da

PINTURA. Afrikako erreferentzia artistiko nagusietakotzat jo izan dute askok Malangatana Valente Ngwenya, Mozambiqueko pintorea. Atzo hil zen Portugalgo Matosinhos herrian, 74 urte zituela eta gaixotasun luze baten ondorioz. Formatu handiz eta kolore biziz gai sozial eta kulturalak jorratu zituen, eta Mozambiqueko historia garaikidea erretratatu zuen bere estilo bereziarekin.