Martin Ugalde Orradre 1921. urtean jaio zen Andoainen (Gipuzkoa). Ugalde euskal kulturaren ezinbesteko erreferentzia da. Idazle oparoa eta euskal prentsaren bultzatzailde nekaezina, sari ugari jaso ditu. Euskaldunon Egunkaria -ren sortzaileetako bat izan zen, eta kazeta horretako ohorezko lehendakaria da. Hain zuzen ere, iragan otsailaren 21etatik haren diru kontuak blokatuta dauzka Espainiako Auzitegi Nazionalak Egunkaria -ren aurkako operazioa gidatu zuen Juan del Olmo epailearen aginduz. Ohorezko euskaltzaina ere bada.
Ainhoa Arteta tolosarra egun mundu osoan dagoen sopranorik oparoenetakoa da. Egun New Yorken (Ameriketako Estatu Batuak) bizi bada ere, beti aldarrikatunahi izan du bere euskaldun izaera. Tolosarrak sari ugari jaso ditu mundu zabalean.
Ugaldek eta Artetak urriaren 16an jasoko dute saria, Juan Jose Ibarretxeren eskutik, Gasteizko Lehendakaritzan izango den ospakizunean.
Sariak
Martin Ugalderi eta Ainhoa Artetari eman diete 2002ko 'Euskal Herritar Unibertsal' saria
Martin Ugalde idazle andoaindarrari eta Ainhoa Arteta soprano tolosarrari emango dizkiote Euskal Herritar Unibertsalaren Saria, 2002. urteari dagokionez. Eusko Jaurlarizako Kanpo Harremanetarako idazkari Iñaki Agirrek adierazi duenez, "gure irudia kanpoaldean sustatzen duten euskal herritarrak" ezagutzen ditu sariak. Urtero Eusko Jaurlaritzak ematen dituen Euskaldun unibertsala sariak bi irabazle izango ditu 2002ean.
Iruzkinak
Ez dago iruzkinik
Ordenatu
