Meirellesen azken filma Londresen estreinatuko da

ZINEMA. Fernando Meirelles zuzendari brasildarraren azken lanak zabalduko du aurten Londresko zinema jaialdia, urriaren 12an. 360 filmean, Rachel Weisz, Jude Law eta Anthony Hopkins aktoreek parte hartzen dute. Hainbat bikoteren istorio paraleloak kontatzen ditu lanak, Londres, Viena eta Denver (AEB) hirietan kokatuak, besteak beste. Meirelles Cidade de deus (2002) filmarekin egin zen ezagun. Geroztik, The Constant Gardener (2005)eta Blindness (2008)zuzendu ditu.