Artean haurra zela hasi zuen Mickey Rooneyk (1920-2014) bere ibilbide profesionala, aktore gisa. Oso ezaguna egin zen, eta horren erakusle, 1939an Hollywoodeko akademiak saritu egin zuen aktore gazte gisa egindako ekarpenagatik. 1983an 50 urteko ibilbidearen aitortza jaso zuen.
Not to be trusted (1926) pelikula izan zen Rooneyk parte hartu zuen lehenengoa, sei urte zituela. Egun The strange case of Dr. Jekyll and Mr. Hyde filmean ari zen lanean, The Hollywood Reporter agerkariaren arabera. Orotara, 200 pelikulatan hartu zuen parte.
Lautan izan zuen Oscar saria jasotzeko aukera —Babes in arms (1939), The human comedy (1943), The bold and the brave (1956), The black stallion (1979)—, baina jaso zituen bakarrak ohorezko kategoriakoak izan ziren.
