Mikel Markezek hiru kantaldi ditu Irlandan

MUSIKA. Mikel Markez kantariak Hiri hartan izan zen diskoan oinarritutako hiru kantaldi egingo ditu Irlandan. Derryko Sandino's aretoan ariko da bihar Markez; Belfasteko Kelly's Cellars klubean etzi; eta Felons'-en egingo den Euskal Herriaren eta Irlandaren arteko elkartasun egunean etzidamu, hilak 25, larunbatarekin. Iazko azaroan kaleratu zuen Mikel Markezek Hiri hartan izan zen diskoa, Elkar diskoetxearekin.