Mikel Urdangarinen 'Zubia' diskoa kalean da dagoeneko

Mikel Urdangarin abeslariaren Zubia izeneko diskoa salgai dago gaurtik aurrera, Baga Biga diskoetxeak argitaratuta. Hamar kantuz osatutako diskoa da, eta horietako seitan musika eta hitzak Urdangarinenak berarenak dira. Kantariak bederatzigarren lan du eta hainbat euskal artisten laguntza jaso du; Rafa Rueda abeslariaren edota Unai Iturriaga bertsolariarena, esaterako. Aurreko diskoa -Anek idatzi dit zutaz-, bere kabuz ekoitzi eta argitaratu zuen.



Disko berriko kantetan, haren ahotsa eta gitarraz gain, Sahiela Vivo aritu da bateria jotzen, Bingen Mendizabal zazpi sokako biolinean, Nika Bitchiasvili biolinean, Rafa Rueda kitarra elektrikoan, akustikoan eta bajoan, eta Koldo Uriarte piano eta teklatuetan.

Azaroaren 30ean entzun ahal izango dira Zubia laneko abestiak lehenengoz zuzenean, Bilbon, Arriaga antzokian.