Ainara Gurrutxaga antzezle errenteriarrak eta Oier Guillan poeta donostiarrak Errenteriako Mikelazulo kultur elkartea dute elkargune. 1995ean sortu zuten elkartea, eta bertan nolabaiteko sormen-elkartasun sare bat josi dutela uste du Guillanek. Elkar laguntzen dute oraindik, Gurrutxagaren ustetan, sormena bidaia kolektibo baten gisara planteatzen dutelako.
Bihar argitaratuko du BERRIAk biekin izandako solasaldia, Sortzailea eta konplizea erreportaje sortaren barnean. Hauek dira erreportaje sortaren protagonistak: Harkaitz Cano eta Gorka Arrese; Itziar Okariz eta Jon Mikel Euba; Koldo Almandoz eta Marian Fernandez Pascal; Ainara Gurrutxaga eta Oier Guillan; Mixel Etxekopar eta Jean-Christian Irigoien; eta Xabier Montoia eta Ibon Rodriguez.
