MUSIKA. Argitaratu berriak.

CHRIS WOOD

'THE HANDMADE LIFE'

RUF

Chris Wood biolin eta gitarra jotzailearen disko honek lekurik aipagarrienak lortu dituFolk Roots eta Songlines aldizkarien2010eko diskoen zerrendan. Ingalaterrako musikaririk bikainenetako batzuekin lan egindakoa da: Martin Carthy, Andy Cutting, The Imagined Village egitasmo askotarikoan. Ingeles herri-musika modu bikainean ezagutzen duen instrumentistaz gain songwriter etorri bikainekoa dela erakusten du The Hanmade Life-n.Badira harribitxi akustiko hauskorrak, Spitfires kasu, eta herri musikaren larretik hurbilago kokatzen duten My Darling's Downsized kantu koloretsuak. Kantu egile bikaina dela erakusten du bakarka kaleratzen duen hirugarren lan honetan.ANDONI TOLOSA

GAUA PROJECT

'BAT'

LABATELKUEYO RECORDS

Jon Asier Zubelzuk eta Jona Parrak osatzendute Gaua Project, eta euskaraz gutxi landu den esparruan beren aletxoa jartzera datoz lehen disko honekin: pop elektriko eta dantzagarriarena. Taldearen izenak ez dio gezurrik, hau proiektu bat da hitzaren zentzurik hertsienean, estudioan diseinatutako , landutako eta gauzatutakoa delako. Ez dela eszenatokietan trebaturiko taldea, alegia. Horrek ez dio xarmarik eta interesik kentzen emaitzari. Gitarrak, sintetizadoreak, programazioak eta melodia kutsagarriak oso egoki uztartzen dira gauerako eta dantzarako pentsatutako disko estimagarri honetan. Neurean pentsakor, Esanda?!... lo eta beste kantu batzuek entzunak eta dantzatuak izateko osagaiak dituzte. JON ESKISABEL

ALOE BLAC

'GOOD THINGS'

EPIC

Gero eta gehiago dira rap musikatik soul musikara jauzia egiten duten abeslariak, eta horietako bat da Aloe Blacc. Bere sustrai eta eraginetara egindako bidaia horretan, bere ibilbideko kantu onenak lortu ditu.Good Thingsdisko sendoa da, soularen egungo pizkundean lekua duen diskoa, eta urteko singlea dago bertan: I Need a Dollar. Bestalde, Life so hard kantuan soulman klasiko bilakatzen da, eta Green Lights bezalako abestietan maisuki nahasten ditu jazz, R&B eta hip hop doinuak. Marvin Gaye, Otis Redding eta Curtis Mayfield dira bere eragin nabarmenenak. Politician doinu instrumentala, bidaia lisergiko bat da, eta diskoari amaiera indartsua emateko balio du .

ARKAITZ VILLAR