Sail ofizialez gain (fikzio eta dokumentala) jaialdiak ekitaldi paralelo ugari proposatuko ditu, eta Pere Vall, Miki Esparbe, Melina Mathews, Agusti Argelich eta Patricia Bonet dira aurtengo jaialdiko epaimahaikideak.
Iaz jaialdian izan ziren bi lan, Loreak eta Minerita (laburmetraia) Oscar sarien iblibidean izan dira, eta aurtengoan, munduan zehar egindako ekoizpenek "garbi erakusten dute euskal zinema munduratzen ari dela", antolatzaileen esanetan: "ZinemaldiaCat jaialdiak topikoak puskatzen ditu erakutsiz ez dela euskaldunek euskaldunentzat egindako zinema mota bat, baizik eta mundu osoko txoko ezberdinetara iritsi nahi eta iristen den zinema dela euskalduna".
Jaialdia Bartzelonako Euskal Etxeak antolatzen du. Emanaldien ondoren zuzendari, aktore, gidoilari edota ekoizleekin solasaldiak izango dira, eta era berean, sail ofizialez gain programa alternatibo bat ere eskainiko da.
[Youtube]https://youtu.be/IAWS_niKwR4[/Youtube]
