Idazleak sekula argitaratu gabeko hogeitik gora poema azaldu dira Pablo Neruda Fundazioak poetaren artxiboan egindako azterketa baten ondoren. Bere lanen eskuizkribuak gordetzen zituen kaxa batzuetan agertu dira; azterketan zehar ohartu ziren eskuz idatzitako kalitate handiko poema batzuk ez zirela sekula argitaratu kutxa bakoitzari zegokien obretan.
Seix Barral argitaletxeak jakinarazi du 2014. urtearen bukaeran argitaratuko dituela poema horiek Latinoemrikan eta 2015. urtearen hasieran Espainiako Estatuan. Argitaletxearen ustez, "sekulako garrantzia" du aurkikuntzak; izan ere, Pablo Nerudaren heldutasunaren garaian kokatzen baitituzte; Canto general (1950) lanaren ostean idatziak dira. Orain arte, azaldu dira poeta txiletarraren argitaratu gabeko beste bi lan ere: bere gaztaroko poesia eta prosa biltzen dituzten El rio invisible (Seix Barral, 1980) eta Poemas de Temuco (Seix Barral, 1996)
