Pantzo Hirigarai 'Poto' eleberriaz, gaur Urruñan

LITERATURA. 111 Akademiak antolaturiko Kilkerren Soka egitarauaren barrenean ariko da gaur Pantzo Hirigarai idazlea Urruñako Xaia ostatuan (Lapurdi), 19:00etan. Odei Barroso eta Aimar Karrika izango ditu bidelagun. Idazleak Poto eleberria aurkeztuko du, eta beste biek liburuaren iritzia eman eta zubi lana egingo dute irakurleen eta idazlearen artean. Bihar, berriz, Patxi Zubizarretak Joan liburua aurkeztuko du Iruñeko Civica aretoan (19:00). Zubizarretak Angel Erro izango du alboan. Saio hori martxoaren 14rako prestaturik zegoen, baina bertan behera geratu zen orduko hartan.