PSE-EEk «joko zikina» salatu, eta Eusko Legebiltzarrera jo du

Donostiaren izendapena susmopean jartzeko «joko zikina» dagoela salatu du Pilar Perez Fuentes PSE-EEko legebiltzarkideak, Kordobako eta Zaragozako alkateek jaso dituzten gutun anonimoak direla eta. Hautetsi sozialistaren iritziz, «kasketaldiak» eragindako erreakzioa da. PSE-EEk legez besteko proposamen bat aurkeztu du Eusko Legebiltzarrean, instituzio horrek bere babesa azal diezaion Donostiaren izendapenari. Perez Fuentesen hitzetan, izendapena «garbia izan da, eta ondo egindako lanaren ondorio».

Patxi Lopez Eusko Jaurlaritzako lehendakariaren iritziz, «galtzaile txarrek» sortutako polemika da, etagutun anonimoen sinesgarritasuna «hamahiru epaimahaikide independente eta nazioartekok ebatzitakoaren gainetik» jarri izana deitoratu du.