Rolling Stones ikusteko ia sarrera denak Internet bidez saldu dira

Gaur egungoa Interneten aroa dela frogatzeko, datu adierazgarri bat: Rolling Stones musika talde ospetsuak ekainaren 23an joko du Donostian, Anoeta estadioan, gaur hasi dira jartzen kontzertu horretarako sarrerak salgai, Rock Star Produccionesen arabera 11.000 saldu dira, eta ia denak, Internet bidez. Estadioan bertan, hartara, ez da ilara handirik sortu, 2.500 sarrera baino ez direlako saldu han.

Donostiara, bi egun lehenago Bartzelonan jo ondoren iritsiko dira Rolling Stonesekoak. Donostiatik Lisboara joango dira, ekainaren 25ean han dutelako emanaldia. Hilabeteotan Europan egingo duten birako kontzertuetako batzuk izango dira horiek.

Donostian denera 40.000 sarrera jarriko dituzte salgai. Salneurria, 68 euro eta 175 bitartekoa da.

Argazkian, Rolling Stonesekoen jarraitzaileak gaur goizean, Anoeta estadioaren kanpoaldean, sarrerak erosteko prest. ('Irutxuloko Hitza')