Ruper Ordorikak Heletan kantatuko du ostiralean, Poteo Atipikoan

Eugen Durif idazlearekin izandako solasaldiarekin jarri zen abian atzo Traboules konpainiak antolatutako Poteo Atipikoaren bosgarren ekitaldia, eta Traboules abesbatzaren emanaldiarekin eta Traboules antzerki konpainiaren Dégrafe-moi, je te prie obraren emanaldiarekin jarraituko du gaur, Heletako Itsasoa kafe kulturalean. Ephemeres konpainiak Variations Antigone, comme enfant on joue à mourir emango du bihar, Heletako Erregelu gelan, eta ostiralean Ruper Ordorikak kantatuko du leku berean. Cecilia konpainiaren eta Balapapa taldearen emanaldiarekin itxiko da jaialdia, larunbat gauean, Donibane Garaziko Zitadelan..