Heldu den urtean, Espainiako Erret Etxeak ez du —orain arte egin bezala— Kulturaren Vianako Printzea saria banatuko. Halaber, datorren urtetik aurrera sariak ez du diru ekarpenik izango, eta Erriberrin egingo da sari emate ekitaldia.
Nafarroako Gobernuak gaur onartutako dekretuan jaso ditu aldaketa horiek, Ana Herrera Nafarroako Kultura, Kirol eta Gazteria kontseilariak jakitera eman duenez. Aurrerantzean "izaera ohoregile hutsa" izango du sariak, eta sarituak ez du dirudik jasoko horregatik. Halaber, heldu den urtekoa Erriberrin banatuko dela ebaraki dute, udaberrian. Orain arte Leireko monasterioan egin izan da sari banaketa ekitaldia, Espainiako errege-erreginekin.
