Sistiagaren marrazkiak, irudi erotikoetan oinarrituta

Jose Antonio Sistiaga donostiar artistak (1932) 24 marrazkiz osatutako erakusketa zabalik du Donostian, Koldo Mitxelenan. Hain zuzen, irudi erotikoetan oinarritutako 24 marrazki dira, "inprobisatutakoak", azkeneko 15-20 urteetan eginak.

Artistak gaur prentsaurrekoan esan duenez, marraztean ez zuen begiratu ere egiten papera, begiak modeloengan iltzatuak zituelako. "Azkar egindako lanak dira. Saioko 40-60 marrazki egiten nituen, segidan, eta azkenean bizpahiru aukeratzen nituen", adierazi du Sistiagak.

Erakusketa martxoaren 24ra arte egongo da, eta marrazkiei buruzko katalogoa ere egin dute, Jasone Osoro (euskaraz), Miguel Sanchez Ostizen (gazteleraz) eta Dominique Noguez (frantsesez) testuekin.