Susak 248 liburu elektroniko jarri ditu doan

LITERATURA. Irakurgailu elektronikoetara doan deskargatzeko moduan, epub eta pdf formatuetan, 248 literatur lan sareratu dituzte www.armiarma.com webgunean. Gehienak euskarazko obrak dira, 190 denera. Eta horien artean, Mirande, Lizardi, Lauaxeta, Azkue eta Errose Bustinzaren lanak daude. Literatura unibertsaletik euskarara ekarritakoak ere jarri dituzte sarean. Besteak beste, Shakespeare, Flaubert, Verne, Tolstoi, Baudelaire, Defoe, eta Pessoaren obrak.