The Kinksen bertsioekin diskoa grabatzen ari dira

MUSIKA. Bruce Springsteen, Metallica eta Bon Jovik hartu dute parte, besteak beste, The Kinks taldearen kantuen bertsioekin osatuko den See My Friends diskoan. Alex Chiltonek bultzatu zuen Ray Davies, The Kinks taldeko burua, proiektua abian jartzera, eta Chilton berak ere parte hartu zuen, hil aurretik. Proiektu horretan aritzeak «biziberritu» egin duela adierazi du Daviesek.