"The Lord of the Rings" trilogiaren azken filmak hamaika Oscar irabazi ditu

J.R.R. Tolkienen obrari egokitutako "The Lord of the Rings" trilogia izan da Oscar sarien 76. edizioan. Hamaika izendapen zituen, eta hamaika Oscar jaso ditu "The Lord of the Rings: Return of the King" filmak. Hala, "Titanic" eta "Ben-Hur" filma historikoen pare jarri da Peter Jacksonek zuzendatutakoa. Pelikula onenaren saria, zuzendari onenarena, egokitutako gidoi onenarena eta montaia onenaren saria jaso ditu besteak beste."Merezi zuen. Momentu hauetan guztia berriz egin beharko nukeela sentitzen dut", adierazi du Peter Jacksonek zuzendari onenaren saria jasotzerakoan.

Charlize Theronek jaso du bart Hollywooden emakumezko aktore onenaren saria, "Monster" filman egindako lanarengatik. "Era batera edo bestera, agur esateko modu polita da", adierazi du Theronek.

Sean Pennek gizonezko aktore onenaren saria jaso du "Mystic River" filmak egindako paperarengatik.

Hala ere, ez da polemikarik izan Oscar sarien edizio honetan. Sarituek eta sari banatzaileek aurretik prestatutako gidoia zuzen jarraitu dute. Super Bowl-en gertatutakoaren ondorioz, hainbat ekitalditan, 5 segunduko atzerapen emisioak egin dituzte. Gramy sarietan egin zen eta Oscar sarietan egin da.

Itxuraz, emisio atzerapenak ez du lan handirik eman. Esan bezala, sarietara gerturatutakoek ez dute zentsuratzeko moduko "arazorik" sortu edota "protesta larririk" egin. Sean Penn eta Tim Robbins aktoreek, laburki bada ere, Iraken aurkako gerra salatu zuten.

Sarituetako batzuk

=p

@- Pelikula onena: "Return of the King".

@- Zuzendari onena: Peter Jackson ("Return of the King").

@- Gizonezko aktore onena: Sean Penn ("Mystic River").

@- Emakume aktore onena: Charlize Theron ("Monster").

@- Errepartoko emakumezko aktore onena: Renée Zellweger ("Cold Mountain").

@- Errepartoko gizonezko aktore onena: Tim Robbins ("Mystic River").

@- Jatorrizko gidoi onena: "Lost In Translation"

@- Egokitutako gidoi onena: "Return of the King":

@- Dokumental onena: "The Fog Of War".

@- Atzerriko film onena: "Les Invasions barbares".

@- Dokumental laburrik onena: "Chernobyl Heart".

@- Montaia onena: "Return of the King"

@- Ohorezko Oscar-a: Blake Edwards.

@- Animazio filma onena: "Finding Nemo".

=p

Oscar sarien berri zehatza webgune honetan eskura daiteke.