Wayne Shorter Getxoko jazz jaialdian ariko da

MUSIKA. Wayne Shorter saxofonista, Eliane Elias pianista eta kantaria, Larry Carlton gitarrista, Mike Stern gitarristaren eta Richard Bona baxu jotzailearen taldea, eta China Moses kantaria ariko dira, besteak beste, Getxoko jazz jaialdiaren aurtengo ekitaldian, uztailaren 4tik 8ra bitarte. Miles Davis, John Coltrane, Sonny Rollins, Art Blakey eta Joe Zawinulekin aritua da Wayne Shorter. Uztailaren 6an ariko da Getxon.