Willis Drummondek disko berria kaleratu du

Bidehuts musika kolektiboak gaur jarri du kalean Willis Drummonden disko berria, Istanteak. Taldearen estudioko hirugarren lana da, eta guztira laugarrena, iaz argitaratutako zuzenekoa kontuan hartuta. Laukoteak Heletako (Lapurdi) Itsasoa gaztetxean eskainiko du gaur gauean diskoaren lehen aurkezpen kontzertua, eta hurrengo asteetan Gasteizen (11n), Behorlegin (12an), Mutrikun (19an), Donostian (26an) eta Miarritzen (apirilaren 1ean) izango da.

Jurgi Ekiza (ahotsa eta gitarra), Felix Rudiger (bateria), Rafa Rodrigo (gitarra) eta Xan Bidegainek (baxua) osatzen dute Willis Drummond, 2003. urteaz geroztik. Anthology kaleratu zuten 2007an, baina bigarren lanak eman dio taldeari oihartzun handiena orain arte.