Zabalik, Euskadi sarietara lanak aurkezteko epea

LITERATURA. Euskadi Literatura sarietara liburuak aurkezteko epea maiatzaren 31ra arte dago zabalik. 2011n argitaratutako liburuak aurkeztu ahal izango ditu edozein pertsona fisikok zein juridikok, baina «lanaren egilearen aldez aurretiko onespen dokumentatua» beharko du horretarako. Horretaz gain, «lan hautagaiaren sei ale aurkeztu beharko dira, lana paperean argitaratzen bada, edo edizio digitalerako esteka hala badagokio». Zortzi modalitatetan emango dira sariak.