Txirolo

Aiertza, Maribel / Ortega, Manu

Adina: 10 urtetik aurrera.

Laburpena: Urko skate taularen gainean oso trebea da eta XanKo entrenatzailearekin prestatzen ari da Carver txapelketarako bere ilusio osoaz. Txapelketa baino egun batzuk lehenago, Urkok Aitzol adoptatua dela deskubritzen du; eta honi gutun bat idazten dio, izan ere "Txirolo" deitzen jarraitzen dio.

Gutunean, Urkok, Txirolo ez deitzeko eskatu, eta esaten dio berak ere badakiela bere familiaren inguruko gauza bat; baina ez diola inori esango zeinen mingarria den ondo dakielako.

Carver txapelketa heldu zen, eta Urko gazteak primerako ikuskizuna ematen zuen bitartean, publikoaren artean bere lagunak ikusi zituen bera animatzen; eta beste alde batetik Aitzolen banda "Txi-ro-lo!" oihuka; baina Aitzol ez zegoen. Eta sekulako muturrekoa eman zien Aitzolen lagunei izan ere txapelketan lehen saria eskuratuta joan zen etxera!

Aitzolek ordea sekulako amorru biziz Urko bakarrik harrapatu eta mehatxua egiten dio, honi zaplastako ederra emateaz gainera, eta Urko gazteak ezin die gurasoei hau ezkutatu.

Orduan; gurasoek Bartzelonara joatea erabakitzen dute; bertan biek lana lortuz eta Urko gazteak munduko skatearen hiriburura joateko, bertan astero entrenatuz eta lagun mordoa eginez.

Sustatzen diren balioak: Zailtasunei aurre egitea, eskola jazarpena, norberaren bidea bilatzea, lagun arteko bizipenak, skateboarding-a, kirolaren onurak, irudimena, ezberdinarekiko errespetua, familia arteko harremanak, adimena.

Egileen datuak

Idazlea: MARIBEL AIERTZA. Etxebarrian jaioa, Berriatuan bizi da. Literatura-sorkuntzan eta testugintzan aritzen da. Testu liburugintzan ere kolaboratzen du. Ibaizabalen Mara eta izar-saltzailea (Matxinsalto 45. zk. 2012), Jauregiko sekretua (GAZTETXO! 33. zk. 2016), Izaroren izarra (Txirrista 11. zk. 2020) eta Txirolo (GAZTETXO! 39. zk. 2022), argitaratu ditu.

Ilustratzailea: MANU ORTEGA (Bilbo, 1971). Bizkaitar ilustratzailea eta komikigilea da eta Bartzelonan bizi da. Marrazkilari, diseinatzaile eta ikusentzunezko eragilea da. Arte Ederren ikasketak egin zituen Salamancan, Bilbon eta Kasselen.

Argitaletxea: Ibaizabal

Generoa: Haur eta gazte literatura

Orri kopurua: 80

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.