BERRIAko irakurleen liburu eta disko gogokoenak Ikusi emaitzak

Kantu bat gara

Jon Maia

Jon Maia bertsolari, kantari eta idazleak 200 kantu inguru idatzi ditu 1991tik hainbat artistarentzat, horietako batzuk Ken Zazpi, Gari, Anari edota Negu Gorriak bezain adierazgarriak. Honako liburu-disko hau Maiak alor honetan egin duen bidearen isla da. Haren kantu askoren hitzak jasotzen dira, baina, horrez gain, Maiak berak kantu horiekin lotutako istorioak kontatzen dizkigu. Diskoan, berriz, egileak kantu horietako batzuk bertsionatzen ditu, Pello Ramirezen txeloa, Gorka Hermosaren soinu handia eta Nacho Sotoren pianoa lagun dituela. Emaitza benetan inpaktantea da. Kantak ezagutarazi zituzten hainbat egilek ere parte hartu dute Maiaren bertsioetan.

Argitaletxea: Elkar

Generoa: Disko-liburuak eta liburu-zintak

Albistea: Kantaren forma liluragarria