Egino: 'Goxo-goxo' bidea

Hainbat luzeko eskalada bideak eskalatzen hasi bazara edo haurrekin mota honetako bide bat eskalatu nahi baduzu, Goxo-goxo da Eginoko (Araba) eskalada eskolako biderik errazena. Bidea rappel eginez jaitsi behar denez, goiz-pasa edo arratsalde-pasa baterako ere bide ederra izan daiteke.

Lehen luzea, 25 metro, 4a. Helduleku oneko hormatxo bertikal bat eskalatu, eta, zuhaitz baten ondotik pasatu ostean, eskuinera jo, eta beste hormatxo bat eskalatuko dugu, eta erlaitz eroso batean dagoen ibilgunera iritsiko gara.

Bigarren luzea, 30 metro, 4a. Bilgunetik ezkerraldera atera, eta helduleku oneko hormatxo bat eskalatuko dugu. Bigarren hormatxo bat eskalatu ondoren (aurrekoa baino tenteagoa), zuhaitz batzuen artetik jarraituko dugu, eta bilgunera iritsiko gara.

Hirugarren luzea, 25 metro, 4b. Bilgunetik ezkerrera eskalatzen hasiko gara, horma bertikal batekin topo egin arte. Haren eskuinean kokatuz, bidearen pasagunerik zailena eskalatuko dugu, helduleku oneko diedro bertikal baten azpian kokatuz. Diedroa eskalatuta, bilgunera iritsiko gara.