Propos.amenak

Mendiko eskirako hainbat aukera eskaintzen ditu Euskal Herriak: Pirinioetan, Zaraitzuko eta Erronkariko gailur altuetan, jakina, ibilbide eta gailur asko egin daitezke mendiko eskiarekin, baina Pirinioetara gabe, elurra behera samar egiten duenean, beste hainbat aukera ere badaude Aralarren, Saioan, Orreaga gaineko gailurretan, Aloñako mendietan... Oinarrizko gida bat da honakoa, mendebaldetik ekialdera, jarduera honetarako egokiak diren hainbat proposamenekin.

Meatzaritzara bideratutako antzinako trenbide baten aztarnei jarraikiz, Traslaviña eta Cobaron lotzen ditu 42,5 kilometroko bideak. Oinez zein bizikletaz egiteko modukoa da.

Mando gainean, Arabako Errioxatik Bizkaiko kostaldera ardoa saltzera joan, eta, bertan irabazitako diruarekin, arraina erosten zuten merkatariek. Oion eta Bermeo batzen dituen bideari GR38 ibilbidea esaten zaio gaur egun. Zazpi etapa eta 166 kilometro ditu.

GR-282a da Euskal Herrian homologatutako ibilbiderik luzeena. 'Artzaintzaren bidea' deitua da: Araba inguratzen duten mendiak zeharkatzen ditu 485 kilometroz. Paisaia aldaketa handiak dauzka.

Sara, Zugarramurdi, Urdazubi eta Ainhoa biltzen dituen Xareta eskualdea inguratzen du Pottokaren Bideak, 37 kilometrotan. Baina gehienek lehen bizpahiru herriak dituzte lotzen, oinez.