Zisjordanian gertatu da, Al-Ram herrian, Mohammed Abu Khdeirren heriotzaren urteurrenean. Gazte palestinar talde bat soldaduen ibilgailuari harrika hasi da, eta soldaduetako batek tiroka erantzun die. Ondorioz, 17 urteko palestinar bat hil, eta 11 zauritu dira.
Armadako eledunaren arabera, "ohiko prozedura" bete du soldaduak tiro egin duenean: "Bere bizitza salbatzeko bere esku zegoena egin du".
Joan den ostiralean beste palestinar bat hil zuten tiroz, Bekaoteko kontrol gunean. Segurtasun indarrek adierazi zutenez, palestiarrak tiro egin zien kontrol gunean zeuden soldaduei.
