Ostiral gauean piztu zen sutea, Duman, Zisjordanian. Palestinako iturrien arabera, lau pertsonak su bonbak jaurti zituzten hainbat etxebizitzatara. Gurasoek etxetik onik irtetea lortu zuten, baita seme zaharrenak ere bizilagunen laguntzarekin, baina ez, hala, 18 hilabeteko haurrak. Gurasoak erietxera eraman dituzte erredurekin. Etxebizitzaren kanpoaldean mendekua irakur zitekeen hainbat grafiti ere agertu dira.
Kolonoak eta Israelgo Gobernua egin ditu erasoaren erantzule Palestina Askatzeko Erakundeak. "Israelek kolonoo terroristei urteetan emandako zigorgabetasunaren ondorio da hau", gaitzetsi du.
Isralego lehen ministro Benjamin Netanyahuk ere gaitzetsi egin du gertatutakoa, eta ohartarazi "terroristak" atzemango dituztela "edonor direla ere". Helburu horrekin elkarlanean aritzea proposatu dio Mahmud Abbas Palestinako Aginte Nazionaleko presidenteari. "Elkarrekin aritu behar dugu terrorismoaren aurka, hura edonondik datorrela ere".
