20 islamista hil dituzte Nigerian, tiroketa batean

ABUJA. Boko Haram talde islamistako 20 kide hil dira talde horren eta Nigeriako armadaren arteko tiroketa batean. Maidiguri hirian izandako borroka horietan soldadu bat ere hil da. Armadaren arabera, Boko Harameko kideak bilera bat egiten ari ziren lekura joan zirenean tiroz eraso zieten haiek. Talde islamistako bozeramaileak esan du soldaduek zibilak hil besterik ez dutela egiten.