Atzo bi lagun hil eta hirugarrena atxilotu zituzten polizia operazioak izan du segida Belgikan: Thierry Werts Belgikako fiskalburuak adierazi du lehergailuak eta armak atxiki eta hamahiru lagun atxilotu dituela gaur goizean Poliziak. Atxilotuek Poliziaren kontrako atentatuak egiteko asmoa zutela adierazi du fiskalburuak. Aldi berean, Belgikan segurtasun neurriak areagotuko dituztela adierazi dute gobernuko berri iturriek.
Ildo beretik, Parisen beste 12 lagun atxilotu dituzte Amedy Coulibalyri eta Kuachi anaiei laguntza logistikoa eman izana egotzita. Besteak beste, autoak eta etxebizitzak uztea leporatu diete.
Berlinen beste bi lagun atxilotu dituzte, Sirian izan berri direla-eta susmopean daude arrazoituta.
