Segurtasun handiko" gune batean izan da erasoa, eta, iturri ofizialen arabera, 327 lirateke zaurituak. Horietatik 180 erietxean daude, Abdul Rahman Rahimi Kabulgo Poliziaren arduradunak jakinarazi duenez.
Rahimiren esanetan, bi lagunek parte hartu dute erasoan; kamioi batean jarritako lehergailuek eztanda egitean hil da bat, eta polizien tiroz bigarrena, ordu erdi geroago.
Afganistango armadaren eraikin baten alboan dagoen aparkaleku batean leherrarazi dute kamioia, Kabulen 08:55 inguru zirela. Afganistango zerbitzu sekretua zuten jomugan erasotzaileek, Barne ministro Homayoon Ainik adierazi duenez.
Zabihullah Mujahid talibanen bozeramaileak talibanen gain hartu du erasoaren egiletza.
