Tripolitik 60 kilometro ingurura, Karbuliko kostaldean aurkitu zituzten atzo kostazainek itsasontziaren arrastoak. Aurreko gauean handik gertu erreskatatu zituzten 16 etorkin; beste guztiek galduta daude, ordea. Itsasotik ateratako etorkinen artean urtebeteko haur bat dago.
Mohammed Abdelatiff itsas agintaritzako eledunak adierazi zuen ontzia Italiara zihoala hondoratu zenean. "Bilatzeko lanean jarraitzen dugu. Oraingoz dakigun bakarra da ontzian Afrikako hainbat estatutako 300 bat lagun zihoazela, ziurrenik Italiara bidean".
