Lurrikara Iranen
4,2 indarreko beste lurrikara batek astindu du Iran erdialdea, baina ez da zauriturik izan
Ritcher eskalan 4,2 indarreko beste lurrikara batek astindu Iran erdialdeko Shahreza hiria, Isfahan herrialdean, baina ez da zauriturik izan, IRNA berri agentziak zehaztu duenez. Hiriaren hegoekialdean izan du epizentroa lurrikara horrek, Teherango Unibertsitateko Institutu Geofisikoak emandako datuen arabera. Iturri horien arabera, lurrikarak izateko aukera asko ditu Iranek, eta oso ohikoak izaten dira lur mugimenduak.
Azken lurrikara eta guztietan handiena iragan abenduaren 26an izan zen Bam hirian, eta iturri ofizialek zabaldutako azken zenbaketaren arabera, 41.000 hildako utzi ditu, eta agintariek ez dute baztertzen kopuru hori 45.000 hildakora igotzea. Ritcher eskalan 6,3 graduko indarra izan zuen lurrikara hark, eta etxerik gabe utzi zituen Bam hiriko biztanleen herenak.
Iruzkinak
Ez dago iruzkinik
Ordenatu
