Bata bestearen segidan hiru bonba-auto lehertarazi dituzte Irak hegoaldean, Amara hirian. Lehergailuetatik bi auto aparkaleku batean zartarazi dituzte, lanera joateko autoen bila joandako jendez beteta zegoenean. Gertatutakoa ikusteko eta zaurituei laguntzeko jendea bildu denean zartarazi dute hirugarrena.
Amarako Poliziak emandako lehen datuen arabera, 42 lagun hil dira atentatu horietan, eta 125 zaurituak.
Amara inguruan xiitak dira nagusi, baina lau adarretan banatuta daude eta elkarren kontrako liskarretan nahastuta dabiltza. Maisan probintzian dago Amara, eta joan den abuztuan Erresuma Batuko tropek Irakeko armadaren ardurapean utzi zuten eremu hura.
Mundua
42 lagun hil dituzte Irak hegoaldean, hiru bonba auto lehertarazita
Amara hirian izan dira atentatuak, xiitak nagusi diren eremuan. Zaurituak 125 dira.
Iruzkinak
Ez dago iruzkinik
Ordenatu
