Mena agentzia publikoaren arabera, "gatazka soziala" sortu zutela eta, baliorik gabe utzi ditu Adli Mansur Egiptoko jarduneko presidenteak 52 indultu. 2013 eta 2013 artean eman zituen Mursik; horien artean, Mursiren anaidiko zenbait lagun daude tartean.
Ez dute jakinarazi zeintzuk diren 52 lagun horiek, baina horietako batzuei "hilketa delituak egitea" eta "herritar errugabeak ikaratzea" leporatzen dietela zabaldu du Menak.
Mansur Egiptoko Auzitegi Konstituzionaleko burua zen iazko uztailean, hain zuzen ere, Abdel Fatah al-Sisik, orduan armadako jenerala zenak, kargutik kendu zuenean. Al-Sisik iragan otsailean kargu horri uko egin zion, eta asteon egin diren presidentetzarako hauteskundeetara aurkeztu zen; %46ko parte hartzearekin, hautesleen %96,35k eman zuen botoa haren alde.
