65 HIL LURRIKARA BATEAN

Zeelanda Berriko Christchurch hiria astindu zuen atzo 6,3 graduko lurrikara batek. Herrialdeko hiririk handienetan bigarrena da, eta gutxienez 65 lagun hil dira han, John Key lehen ministroak baieztatu duenez. Eguerdian sortu zen lurrikara, hirigunetik bost kilometrora eta lau kilometroko sakoneran. Ordu laurden geroago, bigarren astinaldia egin zuen, 4,5 gradukoa. Irudian, salbamendu talde bat zauritutako emakume bat hondakinen artetik ateratzen.