800 KASKO URDIN UATTARA BABESTEKO

NBE Nazio Batuen Erakundeak 800 kasko urdin jarri zituen atzo Alassane Uattara oposizioko burua dagoen hotela babesten, Boli Kostako hiriburu Abidjanen. Istiluetan hildakoen kopuruak, ordea, gora egin du, Gobernuaren indar militarrek oposizioaren aldeko manifestarien kontra egin ondoren. 32 hil ziren gutxienez atzo Abidjango kaleetan, eta zaurituak ere, asko. Nazioarteko Zigor Auzitegiak Gbagbori ohartarazi zion atzo indarkeria amaitzeko zigorrik nahi ez badu.