Benjamin Netanyahu Israelgo lehen ministroak (Likud) eta Shaul Mofaz Kadima alderdiko buruzagiak gobernu koalizioa osatzeko egindako akordioren biharamunean, Mahmud Abbas Palestinako Aginte Nazionaleko presidentea negoziazioak abiatzeko prest agertu da Israelgo Gobernuarekin.
Abbasek Reuters berri agentziari emandako elkarrizketa batean adierazi du Zisjordanian eta Jerusalemen jarritako kokalekuak "bakerako itxaropena" zapuzten ari direla, eta horiek geldiarazteko eta hutsarazteko deia egin dio gobernuari.
Orain dela egun batzuk Abbasek gutun bat bidali zion Netanyahuri negoziazioak hasteko esanez, eta haren erantzunaren zain dago. Elkarrizketa horiek hasteko prest dago, "zerbait positiboa" badago, behinik behin.
