Etxe Zuriak AEBetako tropak Siriatik ateratzea erabakiko balu, baztertu egingo litzateke Jim Mattis AEBetako Defentsa ministroak eta beste hainbat goi karguk defendatu duten jarrera. Hau da, tropak epe luzeagoan Sirian jarraitzea, Estatu Islamikoa berriz indartu ez dadin.
Hainbat hedabidek aurreratu dutenez, AEBetako gobernuak hartua du tropak erretiratzeko erabakia. Informazio horiek hedatzen hasita zeudela, ildo bereko mezua zabaldu du Trumpek Twitterreko bere kontu ofizialean. "Estatu Islamikoa garaitu dugu Sirian, Trump Presidentetzak irauten duen artean bertan egoteko nire arrazoi bakarra".
We have defeated ISIS in Syria, my only reason for being there during the Trump Presidency.
— Donald J. Trump (@realDonaldTrump) 19 de diciembre de 2018
AEBek 2.000 soldadu dituzte Sirian. Batez ere, Estatu Islamikoari aurre egiteko bertako talde armatuak prestatzen jarduten dute. Horrez gain, armadako kide gehiago dituzte Iraken, Sirian esku hartze zuzena beharrezko joko balute, erasorako prest.
