Goizean goiz gertatu da erasoa, 05:58 aldera, eta enbaxadorearen bulegoaren ondoko komunetara sartu da kanpotik jaurti duten kohetea. Erasoa gertatu denean enbaxadako zenbait langile barruan zeudela azpimarratu du Riesek, eta, beraz, gertagarria zela norbait zauritzea. Koheteak 30 bat zentimetroko diametroko zuloa utzi du fatxadan.
AEBen Atenasko enbaxadak lehenago era jaso ditu erasoak. Esaterako, 1996an enbaxadako patiotik bertatik bazoka bat jaurti zuten, eta ordutik Greziako hiriburuko eraikin babestuena da. Hala ere, 2002n Azaroaren 17a talde armatua desagertu zenetik ez zuen erasorik jaso. Telebista kate baten arabera, Borroka Iraultzailea taldeak hartu du erasoa bere gain.
Mundua
AEBen Atenasko enbaxadari eraso diote, kohete bat jaurtita
Leherketan ez da inor zauritu, eta fatxadan soilik eragin ditu kalteak. Hala ere, erasoa "bereziki larria" dela esan du Charles Ries enbaxadoreak.
Iruzkinak
Ez dago iruzkinik
Ordenatu
