Kolonbiak bi asteren buruan sina dezake AEB Ameriketako Estatu Batuekin, Venezuela eta Ekuador sutu dituen akordio militarra. Horren bidez, estatubatuarrek Kolonbian zazpi base militar erabili ahal izango dituzte. Venezuelako eta Ekuadorko agintariekin elkarrizketatzeko asmoarekin azaldu da Kolobiako presidente Alvaro Uribe azken egunetan. Gainera, AEBekin eginiko akordioa «bide onetik eginiko aukeraketa» dela argudiatu du.
Adostasun horien helburu nagusia «terrorismoari aurre egitea» dela dio Uribek. Soldadu estatubatuarrek zazpi base erabiltzeko aukera izango dute Kolonbian, eta droga trafikoaren aurkako borrokarako baliatuko dutela esan du Uribek. Hugo Chavez Venezuelako presidenteak iragan astean adierazi zuen Kolonbiaren erabakiak inguru herrialdeetako tentsioa areagotuko zuela, eta gerra bat hasteko arriskuaz ohartarazi zuen.
AEBen eta Kolonbiaren arteko akordio militarra bi aste barru izan liteke
Iruzkinak
Ez dago iruzkinik
Ordenatu
