Afganistango 150 GKE ixteko agindua eman dute

KABUL. Afganistango Gobernuak gobernuz kanpoko 150 talderi jarduera eteteko agindua eman die, «euren proiektuei eta finantzaketari buruzko txostenik aurkeztu ez dutelako». Neurriak, afganistango GKEei ez eze atzerriko lau GKEri ere eragiten die. Afganistanen 1.300 GKE daude, eta horietatik 360 atzerrikoak dira. Maiatzean, 172 GKE itxi zituzten arrazoi beragatik.