Afganistango diputatu bat gose greban dago

KABUL. Semin Barakzai Afganistango politikariak hamahiru egun egin ditu gose greban, iazko bozetan parlamentuan lortu zuen lekua itzul diezaioten eskatzeko. Hamid Karzai presidenteak eratutako batzorde batek ustezko ustelkeria kasuak ikertu zituen, eta, horren arabera, bederatzi parlamentariri jarlekua kendu zieten. Barakzaik salatu du, ordea, Karzaik ganbera kontrolatzeko maniobra bat izan zela erabakia.