Akordioa lortu dute Serbia eta Kosovok mugarako

PRISTINA. Kosovok eta Serbiak lortu dute bien arteko mugaren inguruan ados jartzea. Kontrol postuek bere horretan jarraituko dute, gutxienez irailera arte, KFORen kontrolpean. Garraio pribatuek muga zeharkatu ahal izango dute, eta elikagaiak pasa ditzakete. Serbiako produktuak inportatzea, ordea, oraindik ere debekaturik egongo da. Irailean bi aldeak berriro bilduko dira.