"Errumaniar eta ijitoak legea haustera eta lapurtzera etorri dira. Izurri bat dira". Xavier Garcia Albiolen hitzak dira horiek, Badalonako alkate zen garaikoak. Hain zuzen ere, etorkin errumaniarren aurkako gorrotoa bultzatzea egotzita auzitara eraman zuen SOS Arrazakeria elkarteak PPCko kidea —epaitegiek errugabe jo zuten—. Horiek hala, kritika oldea eragin du PPCk Albiol aukeratu izana irailaren 27ko bozetarako zerrendaburu.
Guztiak ez dira, hala ere, gaitzespenak izan. Javier Maroto Gasteizko alkate ohia izan da Albiol zoriontzen lehena.
"La elección de @Albiol_XG es un gran acierto: sabe conectar con los ciudadanos, un político a pie de calle " @JavierMaroto
— Partido Popular (@PPopular) July 28, 2015Espainiako Gobernuko presidente Mariano Rajoy, berriz, gaur joango da Kataluniara, Albioli babesa agertu asmoz.
Izen berriak Valentzian ere
Kataluniarako zerrendaburua ez ezik, Valentziakoa ere atzo iragarri zuen Alderdi Popularrak, eta han ere eskuin muturra izan da nagusi. Carlos Fabra eta Francisco Campsen babesa jaso du Isabel Bonig zerrendaburu berriak.
Aurkezpen ekitaldian, Alberto Fabra Valentziako Generalitateko presidenteak egindako lana txalotu du Bonigek, nabarmenduz "gizartearen ongizatea eta herritarren interesak" izan dituela "lehentasun".
