Alerta baktereologikoan egon da Kanadaren Parisko enbaxada

Bi orduz alertan egon da Kanadaren Parisko enbaxada, gutun susmagarri bat jaso,eta ireki duen langileari ondoeza egin ostean. Oraindik argitzeke dagoen sustantzia batekin blaitutako ehun pusketa bat zegoen gutunean, baina lehendabiziko azterketak egin ondoren, ez dagoela arrisku kimiko, bakteriologiko eta erradiologikorik erabaki dute agintariek. Ehunean igurtzitako sustantzia zein den ikertzen ari dira.